Jury

Дөрөвдүгээр бүлэг. Ял оногдуулах, ялаас чөлөөлөх тухай

Монгол Улсын эрүүгийн хууль 54 дүгээр зүйл. Ял шийтгэлгүй болох

Jury AI-аас асуухLegalinfo.mn дээрх албан эх

Legalinfo.mn дахь төлөв
Хүчин төгөлдөр
Баталсан
1986-12-05
Мөрдөж эхэлсэн
1986-12-05
Эх сурвалжаас татсан
2026-11-14

Энэ хуулийн шинэчилсэн найруулгыг 2015-12-03-нд баталсан: Эрүүгийн хууль (2015-12-03). Legalinfo.mn энэ хувилбарыг хүчингүй болсон гэж бүртгээгүй. Аль хувилбар хамаарахыг үйл явдлын огноо, шилжилтийн заалтаар шалгана уу.

1.Дор дурдсан этгээдийг ял шийтгэлгүй болсон гэж үзнэ:

a/энэ хуулийн 45, 46 зүйлд зааснаар ялаас чөлөөлөгдсөн;

б/тэнсэгдсэн этгээд шүүхээс тогтоосон хянан харгалзах хугацаанд гэмт хэрэг шинээр үйлдээгүй бөгөөд уг хугацаанд ял тэнссэнийг хуульд заасан өөр үндэслэлээр хүчингүй болгоогүй;

в/ /Энэ заалтыг 1993 оны 6 дугаар сарын 7-ны өдрийн хуулиар хүчингүй болсонд тооцсон./

г/насанд хүрээгүй этгээд хорих ял оногдуулсан таслан шийдвэрлэх тогтоол биелүүлэхийг хойшлуулсан хугацаанд гэмт хэрэг шинээр үйлдээгүй бөгөөд таслан шийдвэрлэх тогтоолыг тогтоосон журмаар биелүүлээгүй;

д/торгох, тодорхой албан тушаал эрхлэх буюу тодорхой үйл ажиллагаа явуулах эрхийг хасах, засан хүмүүжүүлэх ажил хийлгэх ялаар шийтгүүлсэн этгээд ялаа эдэлж дууссанаас хойш хоёр жилийн дотор гэмт хэрэг шинээр үйлдээгүй; /Энэ заалтад 1993 оны 6 дугаар сарын 7-ны өдрийн хуулиар өөрчлөлт орсон./

е/гурван жилээс дээшгүй хугацаагаар хорих ял шийтгүүлсэн этгээд үндсэн болон нэмэгдэл ялаа эдэлж дууссанаас хойш гурван жилийн дотор гэмт хэрэг шинээр үйлдээгүй; /Энэ заалтад 1993 оны 6 дугаар сарын 7-ны өдрийн хуулиар өөрчлөлт орсон./

ж/гурваас дээш зургаан жилээс дээшгүй хугацаагаар хорих ял шийтгүүлсэн этгээд үндсэн болон нэмэгдэл ялаа эдэлж дууссаны дараа зургаан жилийн дотор гэмт хэрэг шинээр үйлдээгүй;

з/зургаагаас дээш арван жилээс дээшгүй хугацаагаар хорих ял шийтгүүлсэн этгээд үндсэн болон нэмэгдэл ялаа эдэлж дууссаны дараа найман жилийн дотор гэмт хэрэг шийнээр үйлдээгүй;

и/арван жилээс дээш хугацаагаар хорих ял шийтгүүлсэн этгээд болон онц аюултай гэмт хэрэгтэн үндсэн болон нэмэгдэл ялаа эдэлж дууссаны дараа арван жилийн дотор гэмт хэрэг шинээр үйлдээгүй бөгөөд шүүх уг этгээдийг засарч хүмүүжсэн, ял шийтгэлтэйд тооцох шаардлагагүй гэж тогтоосон бол.

2./Энэ хэсгийг 1993 оны 6 дугаар сарын 7-ны өдрийн хуулиар хүчингүй болсонд тооцсон./

3.Хорих ял шийтгүүлсэн этгээд ялаа эдэлж дууссаны дараа өөрийн засарч хүмүүжсэнээ үлгэр жишээ зан төлөв, хөдөлмөрт үнэнч шударга ханддагаараа харуулбал олон нийтийн байгууллага буюу хөдөлмөрийн хамт олны хүсэлтээр шүүх энэ зүйлд заасан хугацаанаас өмнө ял шийтгэлгүйд тооцож болно.

4.Хуулиар тогтоосон журмын дагуу ялаас хугацааны өмнө суллагдсан этгээдийн ял шийтгэлгүй болох хугацааг үндсэн болон нэмэгдэл ял эдлэхээс чөлөөлсөн үеэс тоолно. Ялыг өөр хөнгөн ялаар сольсон тохиолдолд жинхэнэ ял эдэлсэн хугацааг энэ зүйлийн 43 дугаар зүйлд заасан журмын дагуу тоолно.

5.Ялаа эдэлж дууссан этгээд ял шийтгэлгүй болох хугацаа дуусахын өмнө гэмт хэрэг шинээр үйлдвэл ял шийтгэлгүй болох хугацаа тасрах бөгөөд сүүлчийн гэмт хэрэгт оногдуулсан үндсэн болон нэмэгдэл ялыг эдэлж дууссаны дараа түрүүчийн гэмт хэрэгт ял шийтгэлгүй болох хугацааг дахин эхэлж тоолно. Энэ тохиолдолд тухайн гэмт хэргүүдийн аль хүндэд нь ял шийтгэлгүй болох хугацаа дуустал уг этгээд аль алинд нь ял шийтгэгдсэнд тооцно.

Энэ зүйлийг иш татсан заалтууд

  1. Өршөөл үзүүлэх тухай хууль (2000-07-07)

    Заалт45.3

  2. Өршөөл үзүүлэх тухай хууль (1991-06-21)

    Заалт6Эх бичвэр

  3. “Өршөөл үзүүлэх тухай” Монгол Улсын хуулийн зарим заалтыг хэрэглэх тухай

    Заалт313

  4. "Өршөөл үзүүлэх тухай" БНМАУ-ын хуулийн зарим заалтыг хэрэглэх тухай

    ЗаалтЭх бичвэр

  5. БНМАУ-ын Ардын Их Хурлын тэргүүлэгчдийн 1987 оны 10-р сарын 30-ны өдрийн 146-р зарлигийн зарим заалтыг шүүхийн практикт хэрэгжүүлэх тухай

    Заалт9

  6. Танхайрах гэмт хэргийг ойролцоо төрлийн зарим гэмт хэргээс зөв ялгаж шийдвэрлэх тухай

    Заалт11

Бүгдийг харах · 11Хураах
  1. Хүчиндэх болон түүнтэй ойролцоо төрлийн бусад гэмт хэргийг таслан шийдвэрлэхэд шүүхээс баримтлах чиглэлийн тухай

    Заалт12

  2. Эрүүгийн хуулийн 46 дугаар зүйлийн зарим заалтыг тайлбарлах тухай

    Заалт6

  3. Монголын тулгар төрийг үүсгэн байгуулсны 790 жилийн ойг тохиолдуулан насанд хүрээгүй этгээд, эмэгтэйчүүд, жар, түүнээс дээш насны эрэгтэйчүүдэд өршөөл үзүүлэх тухай хууль

    Заалт4

  4. Онц аюултай рецидив гэмт хэрэгтнээр тооцох тухай

    ЗаалтЭх бичвэр

  5. Хорих ял шийтгүүлсэн этгээдийн ял эдлэх дэглэмийг зөв тогтооход анхаарах зарим асуудлын тухай

    ЗаалтЭх бичвэр

ХУУЛИЙН СУДАЛГАА

Хуулиас хариулт хайя.

Нөхцөл байдлаа бичээд судалгаагаа эхлүүлээрэй.

Хариулт нь хуульчийн зөвлөгөөг орлохгүй. Шийдвэр гаргахаасаа өмнө эх сурвалжийг шалгаарай.