Jury

МОНГОЛ УЛСЫН ХУУЛЬ

Төрийн тусгай хамгаалалтын тухай хууль

Төрийн тусгай хамгаалалтын тухай хууль нь 2024-06-05-нд батлагдсан, 59 зүйлтэй.

Jury AI-аас асуухLegalinfo.mn дээрх албан эх

Legalinfo.mn дахь төлөв
Хүчин төгөлдөр
Баталсан
2024-06-05
Баталсан газар
Төрийн ордон, Улаанбаатар хот
Эх сурвалжаас татсан
2026-10-15
Албан ёсны нэр
ТӨРИЙН ТУСГАЙ ХАМГААЛАЛТЫН ТУХАЙ /Шинэчилсэн найруулга/

Агуулга

59 зүйл

Тавдугаар бүлэг Төрийн тусгай хамгаалалтын алба хаагчийн эрх зүйн байдал

15 зүйл
  1. 32 дугаар зүйлТөрийн тусгай хамгаалалтын байгууллагын албан хаагч
  2. 33 дугаар зүйлТөрийн тусгай хамгаалалтын алба хаагчийн тангараг
  3. 34 дүгээр зүйлТөрийн тусгай хамгаалалтын алба хаагчийн дүрэмт хувцас, цол, албаны үнэмлэх
  4. 35 дугаар зүйлТөрийн тусгай хамгаалалтын алба хаах нас
  5. 36 дугаар зүйлТөрийн тусгай хамгаалалтын алба хаагчийн эрх
  6. 37 дугаар зүйлТөрийн тусгай хамгаалалтын алба хаагчийн үүрэг
  7. 38 дугаар зүйлТөрийн тусгай хамгаалалтын алба хаагчид тавих ёс зүйн тусгай шаардлага
  8. 39 дүгээр зүйлТөрийн тусгай хамгаалалтын алба хаагчийнбаталгаа
  9. 40 дүгээр зүйлТөрийн тусгай хамгаалалтын алба хаагчийн улс төрийн баталгаа
  10. 41 дүгээр зүйлТөрийн тусгай хамгаалалтын алба хаагчийн хууль зүйн баталгаа
  11. 42 дугаар зүйлТөрийн тусгай хамгаалалтын алба хаагчийн нийгмийн баталгаа
  12. 43 дугаар зүйлТөрийн тусгай хамгаалалтын алба хаагчийн эдийн засгийн баталгаа
  13. 44 дүгээр зүйлТөрийн тусгай хамгаалалтын алба хаагчийн сахилгын хариуцлага
  14. 45 дугаар зүйлТөрийн тусгай хамгаалалтын алба хаагчийг өөр албан тушаалд шилжүүлэх
  15. 46 дугаар зүйлТөрийн тусгай хамгаалалтын алба хаагчийг албанаас чөлөөлөх

Эхний зүйлүүд

1 дүгээр зүйл. Хуулийн зорилт

1.1.Энэ хуулийн зорилт нь төрийн тусгай хамгаалалтын хамрах хүрээ, удирдлага, зохион байгуулалт, үйл ажиллагааны эрх зүйн үндэс, алба хаагчийн эрх зүйн байдлыг тогтооход оршино.

2 дугаар зүйл. Төрийн тусгай хамгаалалтын хууль тогтоомж

2.1.Төрийн тусгай хамгаалалтын хууль тогтоомж нь Монгол Улсын Үндсэн хууль, Үндэсний аюулгүй байдлын тухай хууль, Монгол Улсын Засгийн газрын тухай хууль, Засгийн газрын агентлагийн эрх зүйн байдлын тухай хууль, Төрийн албаны тухай хууль, Цэргийн алба хаагчийн тэтгэвэр, тэтгэмжийн тухай хууль, энэ хууль болон эдгээр хуультай нийцүүлэн гаргасан хууль тогтоомжийн бусад актаас бүрдэнэ.

3 дугаар зүйл. Хуулийн нэр томьёоны тодорхойлолт

3.1.Энэ хуульд хэрэглэсэн дараах нэр томьёог доор дурдсан утгаар ойлгоно:

3.1.1."биеийн хүч хэрэглэх" гэж төрийн тусгай хамгаалалтын алба хаагч өөрийн бие махбод, мэргэжлийн тусгай бэлтгэлийг ашиглан бусдын хөдөлгөөнийг хязгаарлах зорилгоор биеэр хийх үйлдлийг;

3.1.2."далд хамгаалалт" гэж төрийн тусгай хамгаалалтын хүч хэрэгслийг далдалж, нийтэд мэдэгдэхгүйгээр зохиож байгаа төрийн тусгай хамгаалалтын хэлбэрийг;

3.1.3."төрийн тусгай хамгаалалтын бүс" гэж хамгаалуулагч болон төрийн тусгай хамгаалалтад авсан хурал, барилга, бусад зүйлийн аюулгүй байдлыг хангаж төрийн тусгай хамгаалалтыг хэрэгжүүлэх зорилгоор тогтоосон тодорхой орчин, нутаг дэвсгэрийг;

3.1.4."хамгаалуулагч" гэж энэ хуульд заасны дагуу төрийн тусгай хамгаалалтад авсан албан тушаалтан, иргэнийг;

3.1.5."хамгаалуулагчийн аюулгүй байдал" гэж төрийн тусгай хамгаалалтад байгаа албан тушаалтан, иргэний амь бие аливаа аюул, халдлагаас хамгаалагдсан байдлыг;

3.1.6."хамгаалалтын техникийн үзлэг" гэж мэдээ, өгөгдөл, баримт сэлтийг нууцаар олох, цуглуулах, дамжуулах, хүлээн авахад зориулсан техник, тоног төхөөрөмжийг илрүүлэхэд чиглэсэн төрийн тусгай хамгаалалтын байгууллагаас тусгай техник хэрэгсэл ашиглан хэрэгжүүлж байгаа үйл ажиллагааг;

3.1.7."хурал, барилга, бусад зүйлийн аюулгүй байдал" гэж энэ хуульд заасны дагуу төрийн тусгай хамгаалалтад авсан хурал, барилга, бусад зүйл аливаа аюул, халдлагаас хамгаалагдсан байдлыг;

3.1.8."шадар хамгаалалт" гэж хамгаалуулагчийн аюулгүй байдлыг биечлэн дагаж хамгаалахыг.

Үргэлжлүүлэн унших: 4 дүгээр зүйл

ХУУЛИЙН СУДАЛГАА

Хуулиас хариулт хайя.

Нөхцөл байдлаа бичээд судалгаагаа эхлүүлээрэй.

Хариулт нь хуульчийн зөвлөгөөг орлохгүй. Шийдвэр гаргахаасаа өмнө эх сурвалжийг шалгаарай.