Jury

Дөрөвдүгээр бүлэг. Бусад асуудал

Сонгуулийн төв байгууллагын тухай хууль 13 дугаар зүйл. Сонгуулийн санхүүгийн хяналт

Jury AI-аас асуухLegalinfo.mn дээрх албан эх

Legalinfo.mn дахь төлөв
Хүчин төгөлдөр
Баталсан
2006-01-12
Мөрдөж эхэлсэн
2006-02-17
Эх сурвалжаас татсан
2026-10-22

13.1.Хороо нь сонгуулийн санхүүгийн хяналтын талаар дараахь эрх хэмжээтэй байна:

13.1.1.нам, эвсэл, нэр дэвшигчийн сонгуулийн санхүүжилт, түүний зарцуулалтад хяналт тавих;

13.1.2.сонгуулийн хороодын санхүүгийн тайланг хянан шалгах;

13.1.3.нам, эвсэл, нэр дэвшигчээс болон сонгуулийн хороодоос өөрийн эрх хэмжээний асуудлаар мэдээлэл авах;

13.1.4.төрийн болон бусад байгууллага, албан тушаалтан, иргэдээс сонгуулийн санхүүжилттэй холбоотой баримт бичгийг гаргуулан авах;

13.1.5.сонгуулийн санхүүжилт, түүний зарцуулалтад гарсан зөрчлийн талаар баримт бичиг үйлдэх, бүрдүүлэх.

13.2.Энэ хуулийн 13.1.4-т заасан баримт бичгийг холбогдох этгээд гурав хоногийн дотор, санал авах өдөр буюу уг өдөр хүртэл гурваас дээшгүй хоног үлдсэн бол шаардсан өдөрт багтаан ирүүлнэ.

13.3.Хороо шаардлагатай гэж үзвэл хяналт шалгалтын ажлыг холбогдох хяналт шалгалтын байгууллага, түүний дотор төрийн аудитын байгууллагаар гүйцэтгүүлнэ.

ХУУЛИЙН СУДАЛГАА

Хуулиас хариулт хайя.

Нөхцөл байдлаа бичээд судалгаагаа эхлүүлээрэй.

Хариулт нь хуульчийн зөвлөгөөг орлохгүй. Шийдвэр гаргахаасаа өмнө эх сурвалжийг шалгаарай.