Jury

Наймдугаар бүлэг. Мэдээллийн сан, хяналт шинжилгээ, үнэлгээ

Уур амьсгалын өөрчлөлтийн тухай хууль 28 дугаар зүйл. Уур амьсгалын өөрчлөлтийн мэдээллийн сан, карбоны бүртгэл

Jury AI-аас асуухLegalinfo.mn дээрх албан эх

Legalinfo.mn дахь төлөв
Хүчин төгөлдөр
Баталсан
2026-07-02
Эх сурвалжаас татсан
2026-10-22

28.1.Уур амьсгалын өөрчлөлтийн нөлөөлөл, эмзэг байдал, эрсдэлийн үнэлгээ, дасан зохицох, сааруулах арга хэмжээний талаарх мэдээллийг хадгалах, шинэчлэх мэдээллийн сантай байна.

28.2.Төрийн болон нутгийн захиргааны байгууллага, эрдэм шинжилгээний байгууллага, хувийн хэвшлийн байгууллага уур амьсгалын өөрчлөлттэй холбоотой холбогдох өгөгдөл, мэдээллийг хуульд заасан журмын дагуу энэ хуулийн 28.1-д заасан мэдээллийн санд хүргүүлнэ.

28.3.Энэ хуулийн 11.1-д заасан байгууллага хүлэмжийн хийн үндэсний тооллогын мэдээллийн систем, карбон бүртгэлийн системийг удирдлага, зохион байгуулалтаар хангана.

28.4.Карбон бүртгэлийн систем нь хүлэмжийн хийн үндэсний тооллогын систем, олон улсын холбогдох карбон бүртгэлийн системтэй уялдсан байна.

28.5.Уур амьсгалын өөрчлөлтийн мэдээллийн сан, карбон бүртгэлийн систем нь уур амьсгалын өөрчлөлтийн үндэсний платформын бүрэлдэхүүн хэсэг байна.

28.6.Мэдээллийн сан, бүртгэлийн систем дэх өгөгдөл, мэдээллийг хууль тогтоомжид нийцүүлэн ил тод, хүртээмжтэй байлгах бөгөөд үндэсний аюулгүй байдал, нууцлалтай холбоотой мэдээллийг холбогдох хууль тогтоомжийн дагуу хамгаална.

ХУУЛИЙН СУДАЛГАА

Хуулиас хариулт хайя.

Нөхцөл байдлаа бичээд судалгаагаа эхлүүлээрэй.

Хариулт нь хуульчийн зөвлөгөөг орлохгүй. Шийдвэр гаргахаасаа өмнө эх сурвалжийг шалгаарай.