Jury

Наймдугаар бүлэг. Бусад зүйл

Биеийн тамир, спортын тухай хууль 37 дугаар зүйл. Биеийн тамир, спортын цахим мэдээллийн сан, дэд бүтэц

Jury AI-аас асуухLegalinfo.mn дээрх албан эх

Legalinfo.mn дахь төлөв
Хүчин төгөлдөр
Баталсан
2024-06-05
Мөрдөж эхэлсэн
2025-01-01
Эх сурвалжаас татсан
2026-10-12

37.1.Биеийн тамир, спортын салбарт спортын цахим мэдээллийн сан байх бөгөөд тус сан нь төрийн мэдэлд байна.

37.2.Спортын цахим мэдээллийн сан нь иргэдийн бие бялдрын түвшин тогтоох, хянах, зөвлөгөө өгөх удирдлагын системтэй байна.

37.3.Спортын цахим мэдээллийн сан бүх түвшний спортын байгууллага, орчин, хэрэглэгдэхүүн, сургалтын үйл явц, үр дүн, салбарын хүний нөөц, төсвийн мэдээллээс бүрдэнэ.

37.4.Спортын цахим мэдээллийн сангийн нууцлал, хадгалалт, хамгаалалтын найдвартай байдлыг хангах үүргийг биеийн тамир, спортын асуудал хариуцсан төрийн захиргааны байгууллага хариуцна.

37.5.Биеийн тамир, спортын асуудал хариуцсан төрийн захиргааны байгууллага спортын цахим мэдээллийн нөөц сантай байна.

37.6.Спортын цахим мэдээллийн сангийн ашиглалт, хадгалалт, хамгаалалт, аюулгүй байдлыг хангахтай холбоотой үйл ажиллагааны зардлыг улсын төсвөөс санхүүжүүлнэ.

37.7.Спортын цахим мэдээллийн сан бүрдүүлэх, хадгалах, хамгаалах, ашиглах, түгээх журмыг спортын асуудал эрхэлсэн Засгийн газрын гишүүн батална.

ХУУЛИЙН СУДАЛГАА

Хуулиас хариулт хайя.

Нөхцөл байдлаа бичээд судалгаагаа эхлүүлээрэй.

Хариулт нь хуульчийн зөвлөгөөг орлохгүй. Шийдвэр гаргахаасаа өмнө эх сурвалжийг шалгаарай.